Na ndiqni :

Shendeti

Dhimbja e kokës nga vapa – Si duhet të kujdeseni per ta parandaluar

Postuar


Është e rëndësishme që të kuptojmë cilët janë faktorët, përveç diellit, që  shkaktojnë këtë problem.

Dhimbja e kokës kur ekspozohesh nga dielli i fortë i muajve të verës është një problem që e vuajnë shumë njerëz.

Dhimbjet e kokës ndodhin zakonisht kur qëndrojmë për një kohë shumë të gjatë në diell, transmeton lajmi.net.

Më poshtë do të mësoni nga AgroWeb.org mbi kujdesin që duhet të tregoni për të lehtësuar dhimbjen e kokës nga vapa.

Shkaqet e dhimbjes së kokës nga dielli

Një nga arsyet kryesore është koha që qendrojmë të ekspozuar në diell.

Personat që preferojnë të dalin me flokë të lagur, apo direkt pas një dushi, kanë më shumë mundësi të vuajnë nga një dhimbje koke.

Ndryshimi i menjëhershëm i temperaturës, ajër i thatë e i nxehtë, dhe ekspozimi i drejtpërdrejtë me diellin shkaktojnë dhimbje të forta koke.

Simptoma ekzistuese si sinuset e bllokuara dhe migrena, bëjnë që ekspozimi ndaj diellit të sjelli një përkeqësim të gjendjes shëndetësore të tyre.

Një arsye që nuk është shumë e njohur është pikërisht ulja e nivelit të sheqerit.

Kur ne ecim në diell trupi ynë punon pak më shumë për të ruajtur temperaturën e brendshme.

Këtij procesi i shtohet lodhja e muskujve dhe ndryshimi i presionit të gjakut dhe i lëngjeve të trupit.

Të gjithë këto faktorë ndikojnë në formimin e dhimbjes së kokës.

Simptomat

Disa nga shenjat që paralajmërojnë dhimbjen e kokës nga dielli AgroWeb.org i liston më poshtë:

Dhimbje therëse e kokës

Të përzierat

Ndjeshmëri ndaj dritës

Dhimbje e qafës

Dehidratimi

Si të parandalojmë dhe trajtojmë dhimbjet e kokës

Dhe pse qetësuesit janë të shumtë, dhe të aftë për të luftuar dhimbjet e kokës, shpesh nuk janë të përshtatshëm për këtë lloj dhimbje koke.

AgroWeb.org ju sjell disa metoda për të shmangur dhimbjet e kokës nga dielli i stinës së verës.

Ambientet e freskëta duhet të kthehen në vendet tuaja të preferuara

Një dhomë me ajër të freskët gjatë muajve të nxehtë të verës është zgjidhja e përkryer.

Për personat që punojnë në mëngjes e mira është të shmangin oraret e diellit të fortë.

Kjo është shumë e thjeshtë, mjafton të dilni nga shtëpia pak më herët që të arrini në zyrën tuaj pa ju parë dielli i fortë.

Nëse do t’ju duhet të lëvizni dhe gjatë ditës, atëherë zgjidhni rrugën me më shumë hije.

Kudo që të shkoni, sigurohuni që të keni një shishe me ujë të ftohtë me vete.

Merrni me vete një kapele

Kur shkojmë në plazh, shumë nga ne bëjnë gabimin dhe nuk vendosin kapele.

Ajo bënë të mundur krijimin e një hijeje për sytë tanë, duke i mbrojtur nga ekspozimi i drejtpërdrejt me rrezet e diellit.

Njësoj si lëkura kë nevojë për kremin mbrojtës, dhe sytë duan përkujdesje.

Kapelja dhe syzet janë dy nga mënyrat më të thjeshta për t’i mbrojtur.

Disa kura të thjeshta në kushte shtëpie.

Kur të ktheheni në shtëpi është e mira që të bëni një dush të vakët, në mënyrë që temperatura e trupit të ulet.

Lagni një peshqir të vogël me ujë të ftohtë dhe vendoseni pranë syve dhe ballit, ndërkohë që çlodheni.

Merrni paketa çaji kamomili dhe vendosini në ujë të ftohtë, më pas aplikoni direkt në sytë tuaj.

Çaji do të qetësojë menjëherë dhimbjen e syve dhe do të uli ënjtjen nga vapa. 

Komentet
VAZHDO TA LEXOSH
Advertisement

Shendeti

​Ilaçet kundër kolesterolit dhe presionit të gjakut mund të zvogëlojnë rrezikun e vdekjes nga COVID

Postuar

Nga


Barnat për uljen e kolesterolit mund të rrisin mundësinë e mbijetesës në infeksionin COVID-19 dhe të zvogëlojnë rrezikun e zhvillimit të një forme më të rëndë të sëmundjes, tregojnë rezultatet e një studimi të ri.

Një analizë e më shumë se 10.000 njerëzve të pranuar në 140 spitale në Shtetet e Bashkuara zbuloi se statinat, ilaçet për uljen e kolesterolit, si dhe ilaçet e presionit të gjakut, ulin vdekshmërinë e koronavirusit me 40 për qind midis atyre që i morën ato para shtrimit në spital.

Rreziku i zvogëluar i vdekjes ishte më i lartë tek ata që morën statina vetëm (46 për qind) sesa te pacientët që përdorën vetëm ilaçe të tensionit të lartë (27 për qind).

Raporti i rezultateve është i ngjashëm për sa i përket progresit të sëmundjes; njerëzit e trajtuar me statina kishin një rrezik 25 për qind më të ulët të zhvillimit të një forme më të rëndë, ndërsa ata që morën ilaçe antihipertensive kishin një rrezik për 11 për qind më të ulët.

Përfitimet mbetën të dukshme edhe pasi shkencëtarët morën parasysh konsumin e barnave të tjera, kushtet shëndetësore dhe të dhëna të tjera të pacientëve.

Përfitimi i ilaçeve është se ato mund të lehtësojnë inflamacionin në trup që shpesh shkakton rezultate të rënda të infektuara me koronavirus, pretendojnë studiuesit në hulumtimin e botuar në revistën PLOS ONE.

“Në fillim të pandemisë, ne ishim të interesuar nëse ilaçet për trajtimin e sëmundjeve të sistemit kardiovaskular do të ndikonin negativisht në infeksionet e shkaktuara nga koronavirusi”, tha autori i hulumtimit, Lori Daniels.

“Ne zbuluam se jo vetëm që statinat dhe ilaçet përdoren për të trajtuar hipertensionin të sigurt, por ato mund të mbrojnë të sëmurët nga koronavirusi, veçanërisht ata që vuajnë nga hipertensioni dhe sëmundjet kardiovaskulare”, shtoi Daniels, profesor në Universitetin e Kalifornisë.

Komentet
VAZHDO TA LEXOSH

Shendeti

​Shkoni në shtrat të uritur ose hani natën vonë?

Postuar

Nga


Shumë do të thonë se nuk është mirë të hani natën vonë, por çka nëse e bëni këtë?

Nëse hani vonë, do ta keni të vështirë të bini në gjumë, por të shkoni në shtrat i uritur nuk është gjithashtu një mundësi ideale.

Dëgjoni trupin tuaj. Nëse jeni të uritur, hani, pa marrë parasysh kohën e ditës. Mendojeni si një mundësi tjetër për të ushqyer trupin tuaj dhe për t’i dhënë ushqyesve të nevojshëm, shkruan Body and Soul.

Më idealja për trupin tuaj është të përpiqeni të caktoni vaktet dhe snacks gjatë ditës në mënyrë që të mos vini të uritur pak para gjumit.

Herën tjetër kur të gjendeni në këtë dilemë, disa meze të lehtë të shëndetshëm para gjumit mund të shtypin sulmin tuaj të urisë pa kalori, sheqer dhe yndyrë të panevojshme.

Disa prej tyre janë: fruta të freskëta, kajsi të thata, bukë e thekur me pak gjalpë kikiriku, disa lugë kos dhe manaferra, një copë djathë dhe disa biskota integrale, një vezë të zier fort dhe humus.

Komentet
VAZHDO TA LEXOSH

Shendeti

​Çfarë i ndodh trupit tonë pasi ngasim biçikletë për një orë?

Postuar

Nga


Çiklizmi është një nga format e preferuara të rekreacionit, por ngadalë po bëhet mjeti kryesor i transportit.

Ndër të tjera, përmirëson shëndetin mendor, ndërton muskujt, zvogëlon rrezikun e sëmundjes së zemrës, ka një efekt pozitiv në tru, siguron gjumë më të mirë, forcon sistemin imunitar dhe shumë më tepër.

Ndërsa udhëtoni me biçikletë, ju jeni më pak të përqendruar në djegien e kalorive, lodhje dhe djersitje, dhe numri i kalorive të djegura rritet pa u përqendruar shumë. Ta themi thjesht, krijon një ndjenjë të mirëqenies që nuk është e pranishme në shumicën e formave të ushtrimit.

Një orë biçikletë në ditë është një mënyrë e shkëlqyeshme për të inkurajuar humbjen e peshës. Një person prej 80 kilogramësh do të djegë rreth 650 kalori gjatë një ore ngasje me një intensitet të moderuar.

Këto nuk janë të gjitha përfitimet e një udhëtimi një orë me biçikletë.

Shkencëtarët kanë zbuluar se ngasja e një biçiklete përmirëson gjendjen shpirtërore. Kur një person është i qetë dhe ndihet mirë, ka shumë më pak të ngjarë të ndiejë nevojën për të ngrënë shumë me ëmbëlsira dhe ushqime jo të shëndetshme.

Një orë vozitje në ditë do të ndihmojë gjithashtu në ndërtimin e muskujve, dhe rritja e masës muskulore krijon një formë të hollë dhe trupore.

Përveç kësaj, muskujt djegin më shumë kalori sesa dhjamin, edhe kur jeni ulur. Kjo do të thotë që edhe pas atyre orëve të biçikletës, trupi juaj do të djegë më shumë kalori se zakonisht.

Një orë në ditë në biçikletë do të jetë e mjaftueshme për të përmirësuar sistemin tuaj imunitar dhe për të luftuar më mirë infeksionet.

Komentet
VAZHDO TA LEXOSH

Trendet e Momentit