Na ndiqni :

Aktualitet

Gati për zbulime të mëdha arkeologjike, nis puna për gërmime të reja në Mozaikun e Tiranës

Postuar


Ministria e Kulturës së bashku me institucionet në varësi të saj ka nisur procedurën për rinisjen e gërmimeve në zonën e Mozaikut të Tiranës. Para pak muajsh Bashkia e Tiranës nisi punën në këtë zonë për rikualfikimin, por më pas punimet u pezulluan për shkak të një kërese nga Instituti Kombëtar i Trashëgimisë Kulturore, sepse më të u gjendën disa mbetje arkeoogjie të një rëndësie të veçantë.

Tashmë, Ministria e Kulturës parashikon që të bëhen gërmime arkeologjike dhe një sondazh arkeologjik, në disa zona si brenda po ashtu edhe jashtë Mozaikut të Tiranës.

“Nevoja për kryerjen e gërmimit arkeologjik lind për shkak të evidentimit të potencialit të lartë arkeologjik të sondazheve të realizuara jashtë rrethimit të Mozaikut si dhe faktit që gërmimet arkeologjike të vitit 2008 brenda rrethimit, janë ende të pa përfunduara. Gjithashtu, nisur nga potenciali i evidentuar në pronën me nr. 6/111, ku në sipërfaqe gjendet një sasi e madhe qeramike si dhe gjurmë muresh, u pa e nevojshme kryerja e një sondazhi arkeologjik.

Sipërfaqja e përgjithshme në të cilën parashikohen gërmimi arkeologjik dhe sondazhi arkeologjik shkon rreth 815 m², e cila përkon me hapësirën e planifikuar për Fazën 1 dhe Fazën 2”, sqaron ministria.

Mozaiku i Tiranës identifikohet si një pjesë e rëndësishme e kulturës së kryeqytetit, sepse është i vetmi monument arkeologjik në qytetin e Tiranës. Ky projekt ka si qëllim ta bëjë këtë pikë të vizitueshme dhe t’i kthehet sërish banorëve të Tiranës dhe vizitorëve.

Zbulimi i mozaikut u bë në periudhën e komunizmit në vitin 1972, pasi u mor vendimi që të ndërtohej një bllok banimi dhe rastësisht gjatë punimeve u zbulua kjo vepër.

Ky mozaik përmban motive floreale dhe gjeometrike gjithashtu edhe motive tipike të Krishtërimit të hershëm, sikurse janë gërsheti i stilizuar, rozetat e peshqit. Mozaiku gjithashtu është shembull shumë domethënës i lashtësisë urbane të këtij territori.




Komentet
VAZHDO TA LEXOSH
Advertisement

Aktualitet

Zyrtare: Nga 9 gushti, askush në Francë nuk lejohet në lokal pa pasaportën e Covid-19

Postuar

Nga


Qeveria franceze ka vendosur kufizime për njerëzit e pavaksinuar, ndërs rastet me koronavirus kanë ardhur gjithnjë e në rritje.

Nga data 9 gusht, në Francë do të jetë e detyrueshme pasaporta e Covid-19 për hyrjen në vende publike si lokale apo nëse do duhet të udhëtojnë me tren ose avion. Që të jetë e vlefshme, pasaporta duhet të vërtetojë që personi është i vaksinuar plotësisht, të ketë test negativ për Covid si dhe të jetë i shëruar.

Lajmi u bë me dije ditën e djeshme nga zëdhënësi i qeverisë franceze Gabriel Attal. Projektligji i zgjatjes së lejes së shëndetit, i cili u miratua nga Parlamenti të dielën në mbrëmje, së pari duhet të miratohet nga Këshilli Kushtetues, i cili duhet të shpallë vendimin e tij në 5 gusht.

Kujtojmë se ky projektligj nxiti protesta masive në Francë, por mesa duket qeveria është e vendosur për ta çuar përpara këtë vendim për paralindimin e rritjes së rasteve me Covid-19.

Po ashtu, edhe në Itali nga data 6 gusht, të gjithë qytetarët mbi 12 vjeç mund të hyjnë në restorante, kinema, teatër, pishina, palestra, por edhe në panaire, festivale, konferenca, parqe dëfrimi, salla lojërash, pjesëmarrje në gara vetëm duke paraqitur “kartën e gjelbër” që tregon se janë vaksinuar.

Në restorante do të jetë e nevojshme të paraqitet “karta e gjelbër” si për klientët ashtu edhe për punëtorët.

 

 




Komentet
VAZHDO TA LEXOSH

Aktualitet

Bëni tamponin e shpejtë antigjenik në klinikën KEIT dhe udhëtoni për në Greqi në të gjitha pikat kufitare

Postuar

Nga


Shteti grek ka njoftuar sot që ka lehtësuar masat e kalimit të kufirit për të gjithë emigrantët shqiptarë.

Të gjithë ju që po ktheheni nga pushimet për në Greqi, për të kaluar kufirin duhet të jeni të pajisur me:

  1. Tampon i shpejtë antigjenik (rapid antigen test), i cili ka vlefshmërinë për 48 orë

ose

  1. Test PCR me vlefshmëri 72 orë

ose

  1. Çertifikatë vaksinimi, ku shtetasi duhet të ketë kaluar 14 ditë nga doza e dyte e vaksinës.

TAMPONIN e SHPEJTË ANTIGJENIK mund ta kryeni në klinikën KEIT për vetëm 25 euro dhe përgjigjja del për 10 minuta. Bashkëngjitur merrni CERTIFIKATËN e AKREDITIMIT nga SHTETI SHQIPTAR dhe APROVIMIN nga SHTETI GREK që e pranon kalimin e kufirit me këtë test.

Në faqet zyrtare të qeverisë greke është e shkruar qartë që kufiri grek e pranon testin e shpejtë, por deri më sot ky vendim, ndonëse zbatohej me përpikmëri nga pikat kufitare të Kapshticës, Sarandës, Qafë Botës, Rinasit etj, nuk respektohej vetëm nga efektivët grekë në kufirin e Kakavijës, ku pranohej ekskluzivisht vetëm testi PCR. Pas shumë përplasjesh dhe momente konfuzioni, u pranua edhe nga pala greke e Kakavijës kalimi i kufirit edhe me TESTET e SHPEJTA ANTIGJENIKE, te cilat Klinika KEIT i disponon te certifikuara nga Komuniteti Europian dhe të akredituara nga Ministria e Shëndetësisë Shqiptare.

Shumë udhëtarë kanë kaluar kufirin nëpërmjet përgjigjes negative të TESTIT të SHPEJTË ANTIGJENIK të kryer në klinikën KEIT.




Komentet
VAZHDO TA LEXOSH

Aktualitet

Publikohen datat e riprovimeve për maturantët që nuk ia dolën dot në qershor

Postuar

Nga


Për të gjithë ato maturantë që nuk ia dolën në një nga provimet e Maturës Shtetërore, Ministria e Arsimit ka publikuar ditën e sotme datat e riprovimeve.

Provimi i Gjuhës së Huaj do të zhvillohet në datë 24 gusht, Matematika në 31 gusht, ai i Gjuhës Shqipe dhe Letërsisë në 27 gusht dhe Lënda me Zgjedhje në 3 shtator. Provimet do të fillojnë në orën 10:00 dhe do të zgjasin 2 orë e 30 minuta.

Ashtu si dhe radhët e kaluara, edhe kësaj here provimet do të zhvillohen duke respektuar të gjitha masat që parandalojnë përhapjen e Covid-19 dhe në çdo klasë nuk lejohen më shumë se 10-15 maturantë.

Kujtojmë se provimi i matematikës së Maturës Shtetërore u kundërshtua nga shumë nxënës në të gjithë vendin.

Pas përfundimit të provimit, ata u shprehën se kishte një nivel vështirësie mbi mesataren dhe në tezë kishte pyetje, që nuk i kanë mësuar në shkollë. Nxënësit dolën në protestë dhe kërkuan rishikim të tezës.

Si reagim ndaj kësaj, Ministria e Arsimit njoftoi më herët se do të bëjë një rishikim të tezës dhe u vendos që të ulet kufiri minimal i pikëve për çdo notë.

Nisur nga shqetësimet e maturantëve, mësuesve, prindërve, dhe pa dyshim duke konsideruar situatën e një viti jo normal e të vështirë të pandemisë, ku pavarësisht se maturantët në të gjithë vendin kanë qenë çdo ditë në mësim në shkollë, përveç 10 bashkive me risk të lartë ku për 6 javë mësimi u zhvillua ‘online’, kemi vendosur të plotësojmë kërkesën e maturantëve për të ulur kufirin minimal të pikëve për çdo notë”, shprehet Kushi, përmes një video mesazhi në “Facebook”.




Komentet
VAZHDO TA LEXOSH

Trendet e Momentit