Na ndiqni :

Teknologjia

Prova më e qartë se Microsoft do të prezantojë një Windows të ri

Postuar


Spekulimet se Microsoft do të prezantojë një version të ri të Windows quajtur Windows 11, kanë pushtuar internetin dhe planet e kompanisë për të ndaluar mbështetjen e Windows 10 më 14 Tetor 2025 tashmë e konfirmojnë këtë.

Në faqen e Microsoft kompania thotë se do të vijojë të mbështesë Windows 10-ën deri më 14 Tetor 2025.

Është prova më e qartë se Microsoft po përgatit një version të ri të sistemit operativ dhe përdoruesit do të inkurajohen për të kaluar tek Windows i ri.

Në javët e fundit kompania ka folur për gjeneratën e re të Windows ndërsa më 24 Qershor do të mbajë një eveniment ku do të shpjegojë çfarë ka dashur të thotë me këtë.

Si rezultat shumë besojnë se Microsoft do të prezantojë Windows 11 e madje industria tashmë po bindet. Kujtojmë se kur debutoi në 2015-ën, Microsoft tha se Windows 10 do të ishte versioni i fundit i Windows dhe tashmë sistemi operativ do të merrte përditësime të vogla gradualisht dhe jo versione të mëdha.



Komentet
VAZHDO TA LEXOSH
Advertisement

Teknologjia

Kriza globale e çipeve mund të godasë smartfonët

Postuar

Nga


Kriza globale e çipeve kompjuterike ka prekur çdo gjë, nga automjetet tek konsolat e video lojërave. Si duket në listë janë smartfonët tashmë.

Çipet kanë qenë në furnizim të ulët këtë vit për disa faktorë, nga mbyllja e fabrikave për shkak të pandemisë së Covid-19, tek kërkesa e lartë për pajisje elektronike.

Prodhuesit e makinave janë goditur veçanërisht nga kriza ku General Motors dhe Ford kanë ndaluar prodhimin e disa modeleve.

Konsolat e video-lojërave si Xbox Series X dhe PlayStation 5 janë bërë shumë të vështirë për tu blerë. Smartfonët deri më sot i kanë shpëtuar për mrekulli duke qenë se kompani si Apple dhe Samsung kanë pasur rezerva.

Megjithatë prodhuesit e smartfonëve kanë filluar të ndjejnë impaktin e krizës globale të çipeve. Kërkesa për smartfonë ra në 2020-ën me Gartner që thotë se shitjet u tkurrën me 12.5%.

Megjithatë këtë vit kërkesa ka filluar dhe është e fuqishme. Në tre mujorin e parë të 2021 sipas Gartner, shitjet e smartfonëve u rritën me 26%.

Ditën e Marte CEO i Apple Tim Cook kishte thënë se kriza mund të ndikojë tek shitjet e iPhone dhe iPad. Lenovo, HMD Global dhe TCL po vuajnë gjithashtu.



Komentet
VAZHDO TA LEXOSH

Teknologjia

Rritet konkurrenca në telefoninë celulare

Postuar

Nga


Shkalla e përqendrimit të tregut të telefonisë celulare ra lehtë vitin e kaluar, për herë të parë që pas daljes nga tregu të operatorit të katërt, Plus Communication.

Sipas të dhënave nga Autoriteti i Komunikimeve Elektronike (AKEP), indeksi HHI i përqendrimit të tregut, i matur sipas të ardhurave totale nga komunikimet elektronike, ra në 4129, nga 4149 që kishte qenë një vit më parë.

Indeksi HHI matet si shuma e pjesës së tregut, të ngritur në fuqi të dytë, të secilës firmë. Një rënie e indeksit HHI nënkupton se tregu ka një shkallë më të ulët përqendrimi dhe, në parim, është më konkurrues. Zakonisht, pragu poshtë të cilit një treg pranohet si konkurrues është 1500. Në intervalin mes 1500 dhe 2500 tregu vlerësohet me përqendrim të moderuar, ndërsa një shkallë mbi 2500 tregon përqendrim të lartë.

Megjithatë, për tregjet e telefonisë celulare nivelet më të larta të përqendrimit pranohen si normale. Këto tregje klasifikohen si oligopole natyrore dhe përgjithësisht ato kanë numër operatorësh më të ulët dhe shkallë përqendrimi më të lartë krahasuar me tregjet e tjera, ku nuk ekzistojnë barriera të mëdha hyrëse.

Ulja e shkallës së përqendrimit vitin e kaluar erdhi sidomos falë rritjes së pjesës së tregut të operatorit të dytë më të madh, One Telecommunications. Sipas AKEP, vitin e kaluar pjesa e tregut të One u rrit në 34%, nga 31% që kishte qenë një vit më parë. Në fakt të ardhurat e të gjithë operatorëve vitin e kaluar pësuan rënie, mesatarisht me 9%. Por, One ishte operatori që pësoi rënien më të të kufizuar, me vetëm 2% krahasuar me një vit më parë. Për Vodafone Albania, rënia e të ardhurave ishte 11%, ndërsa për Albtelecom kjo rënie arriti në 16%.

Vodafone ngelet ende me diferencë të madhe operatori më i madh në treg, me 53% të të ardhurave, por pjesa e tij e tregut ka rënë me një pikë përqindje krahasuar me një vit më parë. Ndërkohë, operatori i tretë, Albtelecom ka pësuar një rënie me afërsisht dy pikë në pjesën e tregut, të matur sipas të ardhurave nga shërbimet celulare.

Ndryshimi i pronësisë mbi kompaninë ONE duket se i ka dhënë një gjallërim konkurrencës në tregun celular. Megjithatë, AKEP ka shprehur shqetësimin se konkurrenca po shoqërohet edhe me praktika të çmimeve grabitqare, që mund të dëmtojnë sidomos operatorët më të vegjël dhe në tërësi aftësinë e tregut për të siguruar fitime të mjaftueshme për të mbështetur investime të reja në të ardhmen.

Sipas të dhënave nga AKEP, rezultati i përbashkët i tre operatorëve celularë për vitin e kaluar ishte negativ në vlerën e rreth 235 milionë lekëve, në përkeqësim të dukshëm nga viti 2019, kur rezultati agregat kishte qenë pozitiv për më shumë se 1 miliardë lekë.

Përcaktuese në këtë përkeqësim ka qenë tkurrja e ndjeshme e rezultatit të kompanisë Vodafone Albania, që raportoi një fitim prej vetëm 120 milionë lekësh, ndërsa në vitin 2019 kishte arritur fitim për rreth 1.4 miliardë lekë. Ndikim negative dha edhe rezultati i Albtelecom, që thelloi humbjet për të dytin vit radhazi. Sipas AKEP, Albtelecom humbi rreth 1.18 miliardë lekë, nga 645 milionë lekë që kishte qenë humbja e vitit të mëparshëm.

I vetmi operator që për vitin e kaluar arriti të përmirësonte rezultatin e vet financiar ishte One, që raportoi një fitim në vlerën e 820 milionë lekëve, nga 285 milionë lekë fitim që kishte arritur për vitin 2019.

/E.Shehu/Monitor



Komentet
VAZHDO TA LEXOSH

Teknologjia

Biznesi i Facebook lulëzon në pandemi

Postuar

Nga


Vitin e kaluar rrjeti social Facebook u kritikua shumë për mënyrën sesi menaxhoi dezinformimin rreth Covid-19.

Titujt e lajmeve ishin kudo të mbushura me kritika për Facebook duke krijuar një përshtypje se gjiganti i teknologjisë po humbet përdorues, reklamues dhe po vihet nën shënjestrën e autoriteteve.

Por ditën e Mërkure rrjeti social më i madh në botë tregoi një realitet krejt tjetër dhe performanca e biznesit të tij është prova më e qartë.

Facebook tha se të ardhurat u rritën me 56% në 29 miliardë dollarë në tre mujorin e dytë të 2021, që do të thotë se u rrit më shpejtë sesa Apple dhe Microsoft.

Madje edhe fitimi u rrit në shifra rekord prej 101% në 10.4 miliardë dollarë. Përdoruesit ditorë në Facebook, Instagram dhe WhatsApp së bashku u rritën në 12% në 2.76 miliardë.

Që prej fillimit të vitit çmimi i aksioneve të Facebook është rritur me 39%. Industria e reklamimit dixhital ka shënuar një boom gjatë pandemisë dhe këtë e kanë treguar edhe rivalët e Google dhe Snap. /CIO Albanian



Komentet
VAZHDO TA LEXOSH

Trendet e Momentit