Na ndiqni :

Teknologjia

SHBA dhe vendet aleate akuzojnë Kinën për sulmin kibernetik ndaj MIirosoft Exchange

Postuar


Kina ka mohuar akuzat se ka ndërmarrë një sulm kibernetik ndaj gjigantit të teknologjisë Microsoft.

SHBA dhe vendet Perëndimore ditën e Hënë akuzuan Kinën për hakimin e Microsoft Exchange, një platformë popullore e e-maili-t përdorur nga kompanitë në mbarë botën.

Ata thanë se sulmi kishte vënën nën rrezik sigurinë globale. Por Kina tha se kundërshton çdolloj krimi kibernetike dhe i ka quajtur deklaratat e Perëndimit si të fabrikuara.

Ministria e Jashtme Kineze tha se SHBA ka detyruar aleatët të bëjnë deklarata dhe kritika të pabaza. Britania, BE-ja, Zelanda e Re, Australia dhe vende të tjera të botës ju bashkuan SHBA duke akuzuar Kinën për fushata hakimi shtetërore.

Microsoft Exchange është platforma e cila mundëson përdorimin e e-mailit nga biznese të vogla tek korporata të mëdha dhe madje institucione shtetërore. Hakimi ka prekur të paktën 30 mijë organizata në mbarë botën.

Sipas Microsoft është grupi Kinez Hafnium i sponsorizuar nga shteti që ndërmori sulmin kibernetik.

Presidenti Amerikan Joe Biden tha se qeveria Kineze mund të mos e ketë realizuar ajo sulmin por po mbron ata që e kanë bërë.



Komentet
VAZHDO TA LEXOSH
Advertisement

Teknologjia

Rritet konkurrenca në telefoninë celulare

Postuar

Nga


Shkalla e përqendrimit të tregut të telefonisë celulare ra lehtë vitin e kaluar, për herë të parë që pas daljes nga tregu të operatorit të katërt, Plus Communication.

Sipas të dhënave nga Autoriteti i Komunikimeve Elektronike (AKEP), indeksi HHI i përqendrimit të tregut, i matur sipas të ardhurave totale nga komunikimet elektronike, ra në 4129, nga 4149 që kishte qenë një vit më parë.

Indeksi HHI matet si shuma e pjesës së tregut, të ngritur në fuqi të dytë, të secilës firmë. Një rënie e indeksit HHI nënkupton se tregu ka një shkallë më të ulët përqendrimi dhe, në parim, është më konkurrues. Zakonisht, pragu poshtë të cilit një treg pranohet si konkurrues është 1500. Në intervalin mes 1500 dhe 2500 tregu vlerësohet me përqendrim të moderuar, ndërsa një shkallë mbi 2500 tregon përqendrim të lartë.

Megjithatë, për tregjet e telefonisë celulare nivelet më të larta të përqendrimit pranohen si normale. Këto tregje klasifikohen si oligopole natyrore dhe përgjithësisht ato kanë numër operatorësh më të ulët dhe shkallë përqendrimi më të lartë krahasuar me tregjet e tjera, ku nuk ekzistojnë barriera të mëdha hyrëse.

Ulja e shkallës së përqendrimit vitin e kaluar erdhi sidomos falë rritjes së pjesës së tregut të operatorit të dytë më të madh, One Telecommunications. Sipas AKEP, vitin e kaluar pjesa e tregut të One u rrit në 34%, nga 31% që kishte qenë një vit më parë. Në fakt të ardhurat e të gjithë operatorëve vitin e kaluar pësuan rënie, mesatarisht me 9%. Por, One ishte operatori që pësoi rënien më të të kufizuar, me vetëm 2% krahasuar me një vit më parë. Për Vodafone Albania, rënia e të ardhurave ishte 11%, ndërsa për Albtelecom kjo rënie arriti në 16%.

Vodafone ngelet ende me diferencë të madhe operatori më i madh në treg, me 53% të të ardhurave, por pjesa e tij e tregut ka rënë me një pikë përqindje krahasuar me një vit më parë. Ndërkohë, operatori i tretë, Albtelecom ka pësuar një rënie me afërsisht dy pikë në pjesën e tregut, të matur sipas të ardhurave nga shërbimet celulare.

Ndryshimi i pronësisë mbi kompaninë ONE duket se i ka dhënë një gjallërim konkurrencës në tregun celular. Megjithatë, AKEP ka shprehur shqetësimin se konkurrenca po shoqërohet edhe me praktika të çmimeve grabitqare, që mund të dëmtojnë sidomos operatorët më të vegjël dhe në tërësi aftësinë e tregut për të siguruar fitime të mjaftueshme për të mbështetur investime të reja në të ardhmen.

Sipas të dhënave nga AKEP, rezultati i përbashkët i tre operatorëve celularë për vitin e kaluar ishte negativ në vlerën e rreth 235 milionë lekëve, në përkeqësim të dukshëm nga viti 2019, kur rezultati agregat kishte qenë pozitiv për më shumë se 1 miliardë lekë.

Përcaktuese në këtë përkeqësim ka qenë tkurrja e ndjeshme e rezultatit të kompanisë Vodafone Albania, që raportoi një fitim prej vetëm 120 milionë lekësh, ndërsa në vitin 2019 kishte arritur fitim për rreth 1.4 miliardë lekë. Ndikim negative dha edhe rezultati i Albtelecom, që thelloi humbjet për të dytin vit radhazi. Sipas AKEP, Albtelecom humbi rreth 1.18 miliardë lekë, nga 645 milionë lekë që kishte qenë humbja e vitit të mëparshëm.

I vetmi operator që për vitin e kaluar arriti të përmirësonte rezultatin e vet financiar ishte One, që raportoi një fitim në vlerën e 820 milionë lekëve, nga 285 milionë lekë fitim që kishte arritur për vitin 2019.

/E.Shehu/Monitor



Komentet
VAZHDO TA LEXOSH

Teknologjia

Biznesi i Facebook lulëzon në pandemi

Postuar

Nga


Vitin e kaluar rrjeti social Facebook u kritikua shumë për mënyrën sesi menaxhoi dezinformimin rreth Covid-19.

Titujt e lajmeve ishin kudo të mbushura me kritika për Facebook duke krijuar një përshtypje se gjiganti i teknologjisë po humbet përdorues, reklamues dhe po vihet nën shënjestrën e autoriteteve.

Por ditën e Mërkure rrjeti social më i madh në botë tregoi një realitet krejt tjetër dhe performanca e biznesit të tij është prova më e qartë.

Facebook tha se të ardhurat u rritën me 56% në 29 miliardë dollarë në tre mujorin e dytë të 2021, që do të thotë se u rrit më shpejtë sesa Apple dhe Microsoft.

Madje edhe fitimi u rrit në shifra rekord prej 101% në 10.4 miliardë dollarë. Përdoruesit ditorë në Facebook, Instagram dhe WhatsApp së bashku u rritën në 12% në 2.76 miliardë.

Që prej fillimit të vitit çmimi i aksioneve të Facebook është rritur me 39%. Industria e reklamimit dixhital ka shënuar një boom gjatë pandemisë dhe këtë e kanë treguar edhe rivalët e Google dhe Snap. /CIO Albanian



Komentet
VAZHDO TA LEXOSH

Teknologjia

CEO i Intel, kriza botërore e çipeve do të vazhdojë edhe për dy vite

Postuar

Nga


Shefi ekzekutiv i Intel, Pat Gelsinger, tha se më e keqja e krizës globale të çipeve nuk ka kaluar. Ai parashikon se situata do të bëhet akoma më keq në gjysmën e dytë të këtij viti dhe do të duhen të paktën 2 vite që ti rikthehemi normalitetit.

Problemet e shkaktuara nga kërkesa e lartë për pajisje për shkak të pandemisë, por edhe marrëdhëniet e acaruara tregtare mes SHBA-së dhe Kinës, kanë krijuar situatën tek e cila gjendemi sot.

CEO i Intel vuri theksin tek nevoja e normalizimit të marrëdhënieve me Kinën ndërsa ndërtimi i fabrikave të reja është jetike. Intel do të ndërtojë dy të tilla, një në SHBA dhe një në Evropë deri në fund të këtij viti.

25% e të ardhurave të Intel janë të lidhura ngushtë me Kinën dhe Gelsinger shpreson se kompania e tij mund të bëhet shkak për normalizimin e marrëdhënieve mes dy vendeve.



Komentet
VAZHDO TA LEXOSH

Trendet e Momentit